الوطن سبورت | والد أحمد شريف: نصحته مايلعبش جناح.. قالي «بحب الزمالك وعلشانه أعمل أي حاجة»
08:28 م | الخميس 17 سبتمبر 2026
أحمد شريف لاعب الزمالك
كشف شريف كمال والد أحمد شريف لاعب الفريق الأول لكرة القدم بنادي الزمالك، كواليس تطور نجله حتى تسجيل هدف في مباراة غزل المحلة التي انتهت بفوز الأبيض ضمن منافسات الجولة الخامسة من الدوري.
شريف كمال: أحمد طول عمره مهاجم
قال شريف كمال في تصريحات خاصة لـ«الوطن سبورت»: «أحمد شريف طوال فترة وجوده في جميع قطاعات الناشئين كان بيلعب مهاجم صريح، ومن وهو عنده 15 سنة في وادي دجلة عمره ما لعب جناح، يا إما مهاجم يا صانع ألعاب».
وأضاف: «منذ انضمام أحمد للزمالك، طلب منه اللعب في مركز الجناح بسبب وجود زحمة في مركز المهاجم، واللاعب تحمل الأمر من أجل الزمالك، لأنه زملكاوي وبيحب النادي وجماهيره، وإحنا أصلًا عائلة زملكاوية».
وتابع: «قعدت مع أحمد ونصحته إنه يلعب مهاجم، لكنه رفض وقال لي إنه مستعد يعمل أي حاجة عشان الزمالك، ولما لعب جناح والجماهير انتقدته أنا زعلت منه، لأني كنت نصحته من البداية إنه مايلعبش في المركز ده، وقعدت فترة مش بكلمه في الكورة، لكن كنا بنتكلم في كل حاجة تانية بشكل طبيعي».
وأوضح: «اتكلمت مع الجهاز الفني وقتها وطلبت إنه يلعب مهاجم، وأحمد لجأ للدكة بسبب الزحمة في المركز، لكنه قال لكابتن معتمد جمال إنه مش هيزعل ولا هيعمل مشكلة للفريق».
وأكمل: «قبل بداية الموسم نصحته مرة تانية إنه مايلعبش جناح، لكنه للمرة الثانية رفض وقاللي أنا بحب الزمالك يا بابا وعشانه أعمل أي حاجة، وكان من أفضل اللاعبين في فترة الإعداد، وأنا حضرت مباريات ودية وشفت بعيني قد إيه كان بيشتغل».
تدريب خارج الزمالك
وأردف: «أحمد كان بيتمرن بشكل خاص خارج النادي عشان يبقى جاهز بنسبة 100%، والولد مجنون زمالك وعايز يعمل حاجة مع الفريق».
وأشار والد أحمد شريف إلى أن نجله هو من طلب العودة لمركز المهاجم: «لما لعب جناح من بداية الموسم وماوفقش بالشكل المطلوب، وبعد الانتقادات اللي اتعرض لها، قعد مع كابتن معتمد وقال له أنا مش مرتاح في الجناح، حطني مهاجم حتى لو مش هلعب خالص، وأنا مش هزعل».
وعن انضمام أحمد شريف لمنتخب مصر، قال: «أنا شايف إن لسه بدري على أحمد عشان ينضم للمنتخب، ونصحته إنه يقفل الميديا خالص وياخد عبد الله السعيد قدوة ليه، ويركز في الملعب وبس».
شريف كمال: توقعت سيناريو لقاء غزل المحلة
وأختتم والد أحمد شريف: «أنا كنت متوقع فوز الزمالك في مباراة غزل المحلة، وكنت حاسس إن أحمد هو اللي هيجيب الجول، وكمان كنت عارف إنها هتبقى ضربة جزاء، أحمد موفق قدام المحلة من ساعة ما بدأ يلعب كرة »
//= OLD_IMG_ARCHIVE . $related_article[“old_image’] ?>
//= WIDE_IMG . $related_article[“main_image’]; ?>
//= WIDE_IMG . $related_article[“video_image’]; ?>
//= WIDE_IMG . $album_img[1]; ?>
//= SITE_URL .”ar/1/’ . $related_article[‘section_id’] . ‘/’ . $related_article[‘id’]; ?>
//= SITE_URL .”ar/1/’ . $related_article[‘section_id’] . ‘/’ . $related_article[‘id’]; ?>
