حرص أحمد سيد “زيزو”، نجم النادي الأهلي ومنتخب مصر، على توجيه رسالة مؤثرة إلى الجماهير، وذلك بعد خروج الفراعنة من كأس العالم 2026، مشددًا على أن هذا الإنجاز سيظل محفورًا في تاريخ المصريين.
وكتب زيزو عبر حسابه على موقع التواصل الاجتماعي “إنستجرام”: “اللي حصل مش مجرد إنجاز كروي.. دي لحظة هتفضل محفورة في تاريخ مصر، فخور جدًا باللي حققناه، وفخور أكثر إني كنت جزء من رحلة رسمت البسمة على وشوش ملايين المصريين”.
وأضاف: “مفيش إحساس يوازي إنك تشوف شعب كامل فرحان ورافع راسه وحاسس بالفخر ببلده، من زمان كان حلمنا إن مصر تكتب تاريخ جديد في كأس العالم، والنهارده الحلم بقى حقيقة”.
طالع أيضا.. اتحاد الكرة: حسام حسن سيكون مدرب مصر في كأس العالم 2030.. وتقدمنا بشكوى للفيفا
وأكمل: “الإنجاز ده مش ملك جيل ولا مجموعة لاعبين، ده إنجاز باسم كل مصري آمن وصبر وفضل يساند لحد آخر لحظة، فرحة مصر النهارده بالدنيا كلها، ومفيش بطولة أو لقب يساوي لحظة تشوف فيها علم بلدك مرفوع، واسمها بيتردد بكل فخر واحترام بين أكبر منتخبات العالم”.
واختتم نجم الأهلي: “الحمد لله دائمًا وأبدًا، وأسأل الله أن تكون البداية فقط، وأن تبقى راية مصر دائمًا في أعلى مكان.. تحيا مصر”.
