«رحلته انتهت» .. شوبير يعلق على تطورات أزمة الجزيري مع الزمالك
وجه الإعلامي أحمد شوبير، حارس مرمى الأهلي ومنتخب مصر السابق، صدمة كبيرة لجماهير نادي الزمالك بخصوص مهاجم الفريق الدولي التونسي سيف الدين الجزيري.
وقال شوبير في تصريحات إذاعية اليوم الأحد: “سيف الجزيري مش موجود في قائمة الزمالك لمباراة الاتحاد السكندري، ومن وجهة نظري، مشواره مع الزمالك قرب ينتهي”.
وأوضح شوبير: “فيه مؤشرات كتير بتقول إن مشوار الجزيري مع الزمالك قرب يخلص. من أيام جوميز ما كانش معتمد عليه، ونفس الكلام تكرر لما جروس تولى تدريب الفريق، وكمان حصل تلاسن بينه وبين أحد الجماهير في المباراة الأخيرة، ورفع شكوى أو إنذار ضد الزمالك بسبب مستحقاته المتأخرة”.
وأضاف شوبير: “وكيل الجزيري قال إن اللاعب ليه فلوس كثيرة عند الزمالك، ولما طلع المتحدث الرسمي للزمالك عشان يوضح الأمور، الموضوع اشتعل أكتر. والمشهد العام بيقول إن العلاقة بين اللاعب والنادي مش ماشية تمام”.
وتابع شوبير: “الجزيري بيدي الزمالك مهلة 15 يوم عشان ياخد مستحقاته، لكن واضح إن العلاقة بينه وبين إدارة النادي مش كويسة، وكمان بينه وبين جروس مش أحسن حاجة”.
