مفاجأة مدوية.. اتحاد الكرة يرفض عرض محادثات الفار على الموقع الرسمي

صرح توفيق السيد، نائب رئيس لجنة الحكام السابق، إنه تم تحضير فيديو توضيحي لحالات تحكيمية، وكان من المفترض أن يتضمن عرض محادثات بين حكم الساحة وحكم الفار (VAR) بهدف بثه عبر وسائل الإعلام.

وقال توفيق في تصريحاته: “الحمد لله، عملنا كل اللي وعدنا بيه في التحكيم، وكل حاجة تم تنفيذها ما عدا حاجة واحدة كانت خارجة عن إرادتنا. كنا وعدنا في البيان اللي نشرناه إننا هنعرض فيديو من غرفة الفار، بحيث نعرض المحادثات بين حكم الملعب وحكم الفيديو، وده كان بيتم بشكل محترم جداً، وكان فيه مجهود كبير من اللجنة في تحضيره.”

وتابع توفيق قائلاً: “لكن بعد ما قدمنا البيان وكتبنا فيه إننا هنعرض الفيديو ده، جاء قرار الاتحاد المصري لكرة القدم، بقيادة جمال علام، ومجلس الإدارة، بإنهم يفضلوا تأجيل عرض الفيديو للحالات الجدلية دي لمجلس الإدارة الجديد، وقالوا إن الموضوع محتاج رؤية خاصة. طبعا، احترمنا القرار ده تماماً.”

وأضاف توفيق: “الجميع في الاتحاد كان في قمة الاحترام والتقدير، وقرروا إن الموضوع ده يتأجل لوقت المجلس الجديد. ده كان قرارهم، وحنا احترمناه، خصوصاً إنه لو كان المجلس الجديد هو اللي يتخذ القرار، يكون فيه رؤية مختلفة.”

وختم قائلاً: “إحنا مش مصرين على عرض الحالات دي الآن، وده حق المجلس الجديد في اتخاذ القرار المناسب.”