لا أداء ولا نتائج.. زملاء الأمس يهاجمون حسام حسن.. ماذا يحدث؟

شن نجوم كرة القدم هجوما ضاريا علي حسام حسن المدير الفني لمنتخب مصر الوطني عقب تصريحاته التي دأب علي اطلاقها عقب مباريات تصفيات كأس أمم إفريقيا.
وطالب زملاء العميد السابقين في الملاعب بضرورة التركيز داخل الملعب دون الالتفات الي الانتقادات التي توجه إليهم .
واعتبر نجوم كرة القدم تصريحات حسام حسن مبالغ فيها وبعيدا عن ارض الواقع.
موقع وان ثري يسلط الضوء على أبرز تعليقات نجوم كرة القدم على تصريحات العميد.

متتكلمش برا الماتش

وجه حازم إمام عضو اتحاد الكرة انتقادات حادة بعد تصريحات حسام حسن المدير الفني لمنتخب مصر الوطني فى لقاء بتسوانا بتصفيات كأس أمم إفريقيا.
وتعادل منتخب مصر الوطني بقيادة حسام حسن مع نظيره منتخب بتسوانا بهدف لكل منهما في تصفيات الكان.

قال حازم إمام عبر تصريحات تليفزيونية: مشكلة كابتن حسام حسن في تصريحاته قبل او بعد المؤتمر الصحفي دايما بيبقى في كلام يخلي الناس ترد وتعلق.

تابع: يعني قال بعد لقاء بتسوانا ان ده افضل اداء للمنتخب من وقت الجوهري، فيخلي الناس ترد عليه وده يقول حاجة وده يقول حاجة تانية مش عاجباهم وفي ناس مش عاجبها كلامك عادي.

أضاف: هي القصه مش عشان انت ماسك، هي الناس بتنتقد عادي، ايام فيتوريا اتقال نفس الكلام وايام كيروش بيقال كده، فأنت مينفعشي تقعد ترد على الناس كل شوية.

استطرد: اشتغل يا كابتن حسام واعمل شغلك وأكسب، وسيبك من رد فعل الناس لانك مش هتعرف تغير رأي حد.

واصل: كل واحد برا بيشوف الموضوع بنظره مختلفة، يعني كابتن حسام قبل ما يمسك كان بيقول على مجموعة مصر ايام فيتوريا سهله، لكن لما بقى في موضع مسؤولية نظرته بتختلف، لانك مسؤول بتشيل هم النتيجة.

واختتم حديثه قائلا: فصدقني يا كابتن حسام، اتكلم عن الامور الفنية والماتشات نفسها متتكلمشي خارج الماتش وترد على حد لانك مش هتوصل لحاجة.

مركزين في حاجات برا الملعب

وجه جمال حمزة نجم نادي الزمالك السابق انتقادات حادة ضد حسام حسن المدير الفني لمنتخب مصر الوطني بعد التعادل أمام بتسوانا بهدف لكل منهما بتصفيات كأس أمم افريقيا.
قال جمال حمزة لاعب الزمالك السابق عبر تصريحات إذاعية:

تصريحات حسام حسن غير موفقة، الناس عمرها ما هتكست هو فاكر ان بتثصريحاتك دي الناس هتكست، لا الناس هتزود الكلام.

تابع: مفيش حد هيمسك منتخب مصر مش هيتعرض لانتقادات حتى وأنت بتكسب ولو بتلعب كويس ومفيش نتائج هي دي الكورة.

أضاف: المفروض انت في مكان مثير للجدل عموما حتى لو متكلمتش.
استطرد:
انا شايف إن هو وإبراهيم حسن مركزين في حاجات برا الملعب مش هتفيد بحاجة.
واختتم حديثه قائلا: الناس هتنتقد حتى لو بتكسب وده طبيعي في العالم كله.

لا أداء ولا نتائج

أكد عصام الحضري حارس مرمي الفراعنة الكبار الأسبق، أن منتخب مصر لم يظهر بصورة جيدة خلال اللقاءات السابقة، تحت قيادة حسام حسن.
منتخب مصر لم يواجه أي خصم قوي خلال مرحلة التصفيات المؤهلة لنهائيات كأس الأمم الأفريقية.
وقال عصام الحضري نتائج عن منتخب مصر تحت قيادة حسام حسن فنيا: من وجهة نظري، نتائج ولا جاءت بنتيجة يمكن أن ننكر ذلك، ولكن كمستوى وأداء بالضرورة، أقول إن مفيش يؤدي ولا يشكل للمنتخب وقال عبر تصريحات تليفزيونية: مفيش أداء للمنتخب، إنت بتكسب بوتسونا ومنتخبات ضعيفة والمنتخبات دي زمان كانت كبيرة، تخصص الماتشات معاهم صعبة، بعد بتسافر في صعبة، عكس الوضع الحالي.
وأضاف: حسام حسن بعد التعادل مع بوتسوانا طلع قال إن المنتخب خرج في نتيجة أول مرة في تاريخنا، وكلام ده مش صح، إحنا كسبنا 4 ماتشات من 6، ولكن في عهد فيتوريا كسبنا ماتتشات الـ 6 كلها.
وتابع: لازم نلاعب منتخبات قوية لو حتى نخسر منها علشان الأهداف، وممكن كلامي يفصل، لكن منتخب مصر حاليا ملوش.