«بالجلابية البلدي»، نادر فرج يحتفل مع والده بجائزة رجل مباراة الإسماعيلي والمحلة

تداول رواد مواقع التواصل الاجتماعي صورة نادر فرج لاعب نادي الإسماعيلي مع والده بعد نهاية مباراة الإسماعيلي والمحلة في الجولة الأولي من بطولة الدوري المصري الممتاز.

وظهر والد نجم الإسماعيلي وهو يستلم جائزة أفضل لاعب في مباراة المحلة والإسماعيلي بـ « بالجلابية البلدي »، الأمر الذي لاقي أعجاب الجميع.

وقال محمد حسين تعليقاً علي الصورة « لاعب هايل والله انا أتفرجت ع معظم المباريات عشانه والله برغم انو أتصاب اول كام دقيقه وكان ممكن يتبـدل بس الحمد لله رجع وكمل المباراة وعمل مباراة كويسه جداً بالتوفيق أن شاء الله في الجاي، ومفيش احلي من ده احتفال انو يشارك ولده الفرحة ربنا يباركله فيه يارب».

وقال محمد راشد عز علي حسابة علي مواقع التواصل الاجتماعي «فيس بوك» « ده لاعب اسمه نادر فرج بيلعب في الإسماعيلي فاز بجائزة رجل المباراة أمس، خد الجائزة واختار يتصور مع والده اللي تعب وشقي وجمع القرش علي القرش ويورفله تمن الموصلات والأكل والشرب عشان يحقق أمنية ابنه، انا بكون سعيد جدا لما أشوف شخص بيفتخر بأهله ف كل مكان، اوعي حد يضحك عليك ويقنعك إن اهلك دقة قديمة والكلام ده، اللي بيحبك بيحبك ف كل حاجة وتحت أي ظروف، واللي يكرهك ف اهلك مش بيحبك بيحب نفسه، ومفيش حد كان حنين وبار بأهله وفشل ف حياته، نموذج مشرف يعلمك تعيش عيشة اهلك مهما وصلت، اهلك هما اكتر ناس هتحبلك الخير ومن قلبهم، حافظ علي احترامهم ليك».

يذكر أن نادر فرج أحد أفضل اللاعبين الصاعدين في الدوري المصري والذي يتوقع له الجميع بمسيرة ناجحة، حيث شارك مع الإسماعيلي في 35 مباراة سجل هدف وحيد وصنع 5 أهداف.

تابع موقع الجمهور عبر قناة (يوتيوب) اضغط هــــــــــــنا

تابع موقع الجمهور عبر قناة (واتساب) اضغط هــــــــــــنا