هنبقي من التسعة اللي فوق.. عبدالملك يفجر مفاجآت عن استعدادات غزل المحلة للدوري الجديد

كشف أحمد عيد عبدالملك المدير الفني لفريق غزل المحلة كواليس استعدادات زعيم الفلاحين للمشاركة ضمن منافسات بطولة الدوري الممتاز الموسم القادم.

وتأهل فريق غزل المحلة بقيادة أحمد عيد عبدالملك الي دوري الأضواء والشهرة رفقة اندية بتروجيت وحرس الحدود.

قال أحمد عيد عبدالملك المدير الفني لفريق غزل المحلة عبر تصريحات تليفزيونية:

عندنا لعيب اسمه محمد عصام ده هيسمع جامد بيلعب 8 ده عايز يتنفض من عليه التراب كده انا متوقعله انو هيروح منتخب مصر.

تابع: فيه لجنة تعاقدات بتتفرج وبتعرضلي اللعيبة وعرفنا نجيب بن حمودة ب 70 الف دولار و حميدو بعد ما كان معروض عل الزمالك ب 400 الف جبناه ب 40 الف دولار .

أضاف: عملنا وديات مع فرق من الدوري الممتاز عايز اقول للناس عارف ان النتايج مش كويسة بس انا بجهز 30 لعيب.

استطرد: معانا ابراهيم حسن بيجهز معانا لسه ولما يجهز بالكامل هيفرق معانا جامد ، بينزل نص ساعة بيديني الزبد كلها.

واختتم حديثه قائلا: الميزة فالمحلة ان الناس والجمهور كله متابع اي حاجة بتحصل فالنادي ، انا واثق فالفرقة اللي معايا معايا لعيبة رجالة وباذن الله نبقي من التسعة اللي فوق .