مجدي عبد الغني في أزمة كهربا والزمالك: حتى لو لون العقد متغير دي مجرد شكليات
أدلى مجدي عبد الغني رئيس شئون اللاعبين السابق في اتحاد الكرة المصري بتصريحات تلفزيونية لقناة ام بي سي مصر 2 يكشف فيها عن عدم أحقية كهربا في فسخ تعاقده مع الزمالك.
وقال عبد الغني ردا على توثيق كهربا بعقد تاريخه يسبق التوثيق بسنه ولون العقد مختلف عن المعتمد من الاتحاد: “مين اللي قال الكلام ده لا لا طبعا مكانش مختلف“.
واكمل: حتى لو كان لون العقد مختلف “يفرق في ايه انه يتوثق؟” “يا سيدي الفاضل لون العقد من سنة فاتت لكن تاريخ العقد مش من سنة” “لون العقد ملوش دعوة ماضيه هو على بياض أنا مالي“.
وواصل: “لون العقد ميفرقش وكل سنه لون مختلف لمجرد اننا ندي عقود بشكل جديد كل سنة يعني” “مثلا لو لاعب مضى 3 سنين ولون العقد اتغير هل هنغير العقد كل سنة“.
واختتم: “أنا مليش دعوة عقد جديد ولا قديم أنا لي دعوة ان العقد جاي بتاريخ متطابق مع القيد ومدفوع رسومه أنا مليش دعوة العقد لونه ايه أحمر ولا أخضر ولا أصفر“.
