“تخيلتها عند باب الكعبة وأنا بعمل عمرة ومكانتش تعرف”.. قصة حب مؤمن زكريا وزوجته (صور)

بدأت قصة حب مؤمن زكريا وريهام الشيمي والتي تختلف عن غيرها من القصص في الرياضة المصرية خلال فترة تواجد الثنائي في المرحلة الجامعية، إذ وقتها طلب نجم الأهلي مساعدة أحد أصدقائه من أجل التعرف عليه.

وقالت ريهام في تصريحات تلفزيونية عبر برنامج “صاحبة السعادة”:” قصتنا بدايتها هو كان معجب بيا من الأول، كنا مع بعض في الجامعة بس مانعرفش بعض، وشافني في فرح صاحبه وقاله وقتها عايز اتعرف عليها، هو نصيب بجد أنا مكنتش أعرف عنه حاجة وأنه لاعب كورة، اتعرفنا علي بعض بعدين بعد ما اتكلمنا”.

فيما علق مؤمن زكريا علي سبب رغبته في الزواج منها: “كنت بعمل عمرة، وشفتها قدامي وتخليتها عند باب الكعبة وهي مكانتش تعرف القصة دي غير دلوقتي”.

وتابع:”يوم لما كنت رايح أمضي في الزمالك كان يوم جمعة واتصلت بيها أعرفها مكانتش فاهمه ده يعني ايه، بس بعد كده فهمت وقالت لي ربنا يوفقك ووقفت جنبي”.