عاجل.. محمد عبدالمنعم في رسالة وداع: «هفضل دايما ابن الأهلي وهشجعه طول عمري»
قال محمد عبدالمنعم لاعب النادي الأهلي السابق ونيس الفرنسي الحالي أنه فخور بالانتماء القلعة الحمراء وارتداء قميص النادي الأهلي في رسالة وداعية نشرها عبر حسابه بموقع التواصل الاجتماعي انستجرام.
عبدالمنعم : أهدافي شيء عظيم مع الأهلي
وقال عبدالمنعم في فيديو له عبر انستجرام : «عارف يعني تنام وتصحى تلاقي حلم بيتحقق من يوم مانا صغير وأنا شايف نفسي بتيشرت الأهلي بلعب قدام جمهور كبير الحلم ده مش بس اتحقق ده جزء مني 15 سنة من الحب والفخر».
وتابع : «من يوم ما لبست تيشرت الاهلي حسيت إن لحظه عمرها ما هتتكرر كل هدف سجلته كنت حاسس إن بعمل حاجة عظيمة الذكريات مش هتنتهي مش هنسى أول مرة دخلت ملعب التتش مش ناسي أول مرة الجمهور هتف باسمي الجمهور ده هواللي صنعني ووقف جنبي بشكر الجميع داخل النادي الأهلي كانوا دائما بجواري في الأوقات الصعبة بشكر اللاعبين اللحظات دي هتفضل محفورة في قلبي طول حياتي خرجت من الأهلي كلاعب ولكن هفضل طول عمري مشجع ليه وهفضل دايما ابن النادي.
